8 ноябрь жума куни "Насаф" жамоаси XXII мамлакат чемпионатининг охирги 26-турини сафарда  “Олмалиқ” жамоасига қарши ўтказади.

Шу пайтгача ушбу икки жамоа ўзаро 11 маротаба рўбарў келишган. Шундан еттита баҳсда “аждарлар” зафар қучишган, қолган тўрттасида эса дуранг натижаси қайд этилган. Тўплар нисбати қуйидагича кўриниш олган - 19:7. “Насаф” жамоаси фойдасига.

“Насаф”дан “Олмалиқ” дарвозасини нишонга олган футболчилар қўйидагича: Илҳом Шомуродов (5 та), Артур Геворкян (2 та), Зафар Холмуродов, Жасур Бобоев,  Камолиддин Мурзоев, Мақсуд Каримов, Жаҳонгир Жиямуродов, Кенжа Тўраев, Фозил Мусаев, Мирзакамол Камолов, Иван Бошкович, Владимир Шишелов, Илҳом Юнусов ва Ботир Қораев бир мартадан “Олмалиқ” дарвозасини ишғол этишган. Шквирин шогирдларининг  еттита голидан иккитасига Александр Востриков муаллифлик қилган бўлса, яна бир мартадан Муйдин Мамазулунов, Шоаҳмедов, Абдураҳмонов, Зафар Полвонов ва Шаҳбоз Эркиновлар “аждарлар” дарвозасига тўп киритган.

Эътиборлиси ҳали “Олмалиқ” жамоаси “аждарлар”ни мағлуб этишнинг уддасидан чиқишмаган.  Олмалиқ шаҳрида бўлиб ўтган беш учрашувни иккитасида "Насаф" жамоаси ғалаба қозонган, қолган уч учрашувда дуранг натижа қайд этилган, жумладан икки учрашувда эса дарвозалар даҳлсизлиги сақланиб қолган. Ўзаро Қаршида бўлиб ўтган икки учрашувда "Насаф" жамоаси "Олмалиқ"ни йирик 4:0 ва 4:2 ҳисобларида мағлубиятга учратган.

“Насаф” – “Олмалиқ” жамоаларининг ўзаро ўйинлари:

2008 йил, 10 май.
“Насаф” - ОТМК   1:0 ( Зафар Холмуродов, 21)
27 август.
ОТМК - “Насаф”   1:1 (Александр Востриков. 38 пен — Жасур Бобоев, 40)

2009 йил, 29 июнь.
“Олмалиқ” - “Насаф” 0:2 (Шомуродов, 15, Мурзоев 63 пен)
7 август.
“Насаф” - “Олмалиқ”   2:1 (Мақсуд Каримов, 19, Жаҳонгир Жиямуродов, 85, - Мўйдин Мамазулунов, 90).

2010 йил, 16 май.
“Олмалиқ” - “Насаф”   0:0.
26 август.
“Насаф” - “Олмалиқ”  4-0 (Илҳом Шомуродов, 9, 13, 38, Кенжа Тўраев, 35).

2011 йил, 20 март.
“Насаф” - “Олмалиқ” - 2:1
(Артур Геворкян 25, 72,  Александр Востриков 60, )
22 октябрь.
“Олмалиқ” - “Насаф” 0:0

2012 йил, 1 июль.
“Насаф” – “Олмалиқ” - 4:2 (Мусаев, Камолов, Бошкович, Юнусов – Шоаҳмедов, Абдураҳмонов)

3 август.
“Олмалиқ” – “Насаф” 0:1 (Шишелов).

2013 йил, 2 март.
"Насаф"– "Олмалиқ" 2:2
Голлар: Илҳом Шомуродов (87), Ботир Қораев (90+4) – Зафар Полвонов (28), Шаҳбоз Эркинов (82).

Эслатиб ўтамиз, "Олмалиқ" - “Насаф” учрашуви 8 ноябрь, жума куни соат 14:00 да Олмалиқ шаҳридаги “Металлург” стадионда бошланади. Беллашувни тошкентлик рефери Бахтиёр Намозов бошқариб боради.