Тошкентда бўлиб ўтаётган саралаш мусобақасининг сўнгги кунида Тожикистон терма жамоаси Туркманистон устидан 5:4 ҳисобида ғалаба қозониб, келаси Вьетнамда бўладиган қитъа чемпионати йўлланмасини қўлга киритди.
Ўйиннинг дебюти эса бутунлай бошқача кечганди. 5-дақиқага келиб туркманистонликлар рақиб дарвозасини 3 марта ишғол қилишга улгурганди. Тожикистон эса тезда ҳисобни биттага қисқартиб, 13-дақиқада ҳисобни 3:2га олиб келди. Биринчи бўлим тугашига 40 сония қолганида эса Шерзод Жумаев жарима тўпидан ҳисобни тенглаштирди.
Иккинчи бўлимни туркманлар фаол бошлашди ва 27-дақиқада Режепов жамоасини яна олдинги олиб чиқди. Тожиклар эса ўша дақиқанинг ўзида ҳисобни тенглаштириб, орадан бир дақиқа ўтганидан кейин эса Жумаев ўз жамоасини ушбу ўйинда илк марта ҳисобда олдинга олиб чиқди.
Қолган дақиқаларда Аннаев шогирдлари 5 нафар футболчи билан ўйнаган бўлса-да, рақиб дарвозаси томон йўл топа олмади.
Шу тариқа, Тожикистон Осиё чемпионати йўлланмасига эга бўлди. Туркманистон эса соат 19:00да бошланадиган Ўзбекистон-Қирғизистон баҳсида вакилларимизнинг йирик ҳисобдаги ғалабасига (7та тўп фарқи билан) умид қилади.
Футзал. Осиё чемпионатига саралаш
ТОЖИКИСТОН - ТУРКМАНИСТОН 5:4
Голлар: Хуршед Маҳмудов (7, 13), Шерзод Жумаев (20, 28), Мансур Мамедбобоев (27) — Гурбангули Аширов (3), Аннаев (4), Мамедбобоев (5-автогол), Режепов (27)
| № | Жамоа | Ў | Ғ | Д | М | Т-Н | О |
|---|---|---|---|---|---|---|---|
| 1 |  Ўзбекистон |
2 | 2 | 0 | 0 | 15-5 | 6 |
| 2 |  Тожикистон |
3 | 2 | 0 | 1 | 17-13 | 6 |
| 3 |  Қирғизистон |
2 | 0 | 1 | 1 | 6-10 | 1 |
| 4 |  Туркманистон |
3 | 0 | 1 | 2 | 7-17 | 1 |
