Хайрия учрашувига мамлакат чемпиони “Бунёдкор” жамоасининг ташрифи мухлисларни хурсанд қилди. Жамоанинг тажрибали ҳужумчиларидан бири Анвар Бердиев ҳам хайрия-шоуси ҳақида ўз фикрини билдириб ўтди.

— Аввало бугунги хайрия учрашуви яхши ташкил этилганини айтиб ўтмоқчиман. Албатта, бундай учрашувга бизни таклиф этишганидан хурсандмиз. Дмитрий Краев билан боғлиқ ҳолат ҳар бир футболчи ва ҳар бир инсон билан ҳам бўлиши мумкин. Унинг даволанишига биз ҳам ўз ҳиссамизни қўшганимиздан мамнунмиз. Қолаверса, фурсатдан фойдаланиб “Андижон” жамоасини олий лигага қайтгани билан табриклайман. “Андижон” мухлисларини жамоасини доимо қўллаб-қувватлашларини тилайман.

— “Бунёдкор” илк мавсумни ўтказдингиз. Таассуротлар қандай?
— “Бунёдкор” жамоаси ҳам чемпионлик, ҳам кубок соҳиби бўлганидан хурсандман. Ушбу муваффақиятларга ҳиссамни қўшишга ҳаракат қилдим. Худо хоҳласа, келаси йили ҳам барча мусобақаларда ғолиб бўлишга ҳаракат қиламиз.