«Барселона»нинг собиқ бош мураббийси Тито Виланова Каталония футбол федерацияси томонидан махсус соврин билан тақдирланади. Бу ҳақда Sport.es хабар бермоқда.
Манбада айтилишича, соврин «Спортча ирода» деб аталади. Вилановага мукофот 16 декабр куни топширилади.
Хабарингиз бор, мураббий бир йилдан ортиқроқ вақт давомида «Dream team»да ишлади. Саломатлиги сабаб шу йилнинг ёзида унинг ўрнини Херардо Мартино эгалланган эди. Тито бир неча марта саратон касаллиги билан оғригани сабаб мураккаб операцияларни бошдан кечирган эди. Шунга қарамай у жамоа билан мамлакат чемпионлигини қўлга киритиди.
