Мадриднинг «Реал» клуби ҳимоячиси Рафаэль Варан операция қилиниши мумкин. Бу ҳақда El Confidencial хабар бермоқда.
Манбада айтилишича, Вараннинг жароҳатидан тикланиши қийин кечмоқда, шунинг учун у операция қилиниши мумкин. Жарроҳлик амалиёти ўтказиладиган бўлса, футболчи «Реал»нинг олдиндаги икки ўйинида майдонга туша олмайди.
Ўтган турда бўлиб ўтган «Алмерия»га қарши ўйинда ҳам Франция терма жамоасининг 20 ёшли ҳимоячиси майдонга тушмаган эди. Жорий мавсумда Варан «Реал» таркибида Испания чемпионати доирасидаги 4та ўйинда майдонга тушган ва битта голли узатмага муаллифлик қилган.