"Ливерпуль" бош мураббийи Брендан Рожерс кечаги "Манчестер Сити"дан билан ўйиндан кейин (1:2) ҳакамларни танқид остига олган.

"Даҳшатли ҳакамлик бўлди. Биринчидан, ён ҳакам йўқ жойдан оффсайд қайд этди. Ўша вазиятда футболчилар ҳатто бир чизиқда турмагандилар. Иккинчидан, бош ҳакам Лескотт очиқдан очиқ равишда Суареснинг футболкасидан тортиб қолган вазиятда "Сити" дарвозасига пенальти бермади.

Умуман, ҳакамлар ҳар бир йўналишда хатоларга йўл қўйишди.

Ҳакамларни ҳеч қачон муҳокама қилмасдим, аммо ҳозир ўз футболчиларимни ҳимоя қилишни истайман.

Бир нарсага аминман, Ливерпуль атрофларида яшайдиган бирорта ҳакамни бизнинг ўйинларимизга тайинлашмайди...", - дейди Рожерс.

Эслатиб ўтамиз, учрашувни Ли Мэйсон бошчилигидаги ҳакамлар бригадаси бошқариб борганди.