Ўзбекистон U-22 терма жамоаси 28 декабрь куни Тошкентдаги ўқув-машғулот йиғинлари доирасида ўртоқлик учрашуви ўтказди. Тошкентнинг «Пахтакор» жамоасига қарши ўтказилган назорат ўйинида Шуҳрат Мақсудов шогирдлари 1:3 ҳисобида имкониятни бой беришди.
Ноқулай об-ҳаво шароити остида кечган учрашувда Ўзбекистон U-22 терма жамоаси ўйин давомида ташаббусга эришганига қарамай, «Пахтакор» футболчилари асосан қарши ҳужумлардан унумли фойдаланиб қолишди. Хусусан, 24-дақиқада дарвоза тўсинига тегиб қайтган зарбани Сергей Рекун терма жамоа дарвозасига тўғрилаб қўйган бўлса, орадан 11 дақиқа ўтиб Анвар Ражабов «Пахтакор» муваффақиятини мустаҳкамлади.
Қайд этиш жоиз, Ўзбекистон U-22 терма жамоаси ўйин давомида рақиб дарвозасини ишғол қилиш учун қатор қулай имкониятларга эга бўлди. Бироқ сўнгги лаҳзада ё терма жамоа аъзоларига аниқлик етишмади, ёки рақиб дарвозабони фавқулодда маҳорат кўрсатди. Аксинча, «Пахтакор» қарши ҳужумлардан унумли фойдаланишда давом этиб, иккинчи тайм бошида ҳисобни 3:0га етказди – Асилбек Омонов дарвозасига киритилган голга Алишер Азизов муаллифлик қилди.
Икки бўлимда икки хил таркиб билан майдонда ҳаракат қилган Ўзбекистон U-22 терма жамоасига биринчи бўлимда Егор Кримец, иккинчи таймда эса Сардор Мирзаев муаллифлик қилди. Терма жамоанинг ўйиндаги ягона голига эса, 83-дақиқада «Пахтакор» ҳимоячилари ва дарвозабонини чаққонлик билан ортда қолдирган Абдулазиз Юсупов муаллифлик қилди.
Эслатиб ўтамиз, Ўзбекистон U-22 терма жамоасининг Тошкентдаги йиғини 24 декабрь куни бошланган эди. Терма жамоа йиғини 29 декабрь куни якунига етади.
Назорат учрашуви
28 декабрь, шанба
Ўзбекистон U-22 – «Пахтакор» 1:3 (0:2)
Голлар: Абдулазиз Юсупов (83) – Сергей Рекун (24), Анвар Ражабов (35), Алишер Азизов (51).
Ўзбекистон U-22 терма жамоаси
Биринчи тайм: Абдумавлон Абдужалилов, Сардор Раҳмонов, Егор Кримец, Владимир Козак, Максимилиан Фомин, Акбар Исматуллаев, Аббос Махсталиев, Дилшод Жўраев, Жамшид Искандеров, Сардор Рашидов, Темурхўжа Абдухолиқов (Игорь Сергеев).
Иккинчи тайм: Асилбек Омонов, Жавлон Мирабдуллаев, Бобур Йўлдошев, Шерзод Файзиев, Даврон Ҳошимов, Муҳсин Убайдуллаев, Сардор Собирхўжаев, Сардор Мирзаев, Тоҳиржон Шамшитдинов, Диёр Туропов, Наврўз Алимов (Абдулазиз Юсупов).
Ҳакам: Марат Исмоилов.
