Футболчилар ва мутахассислар ўзбекистонликларни Янги йил байрами билан табриклайди.
Виталий Денисов, “Йилнинг энг яхши футболчиси”, “Локомотив”(Россия):
- Фурсатдан фойдаланган ҳолда, барча футбол мухлисларига янги йилда тинчлик, мустаҳкам соғлик, севги ва бахт тилайман, ҳамма ишлари юришсин. Оилаларга фаровонлик олиб келсин янги йил. Спорт билан шуғулланинг. Янги йилингиз билан!
Артур Геворкян, “Чемпионатнинг энг фойдали футболчиси”, “Насаф”:
- Мен бутун Ўзбекистон халқини Янги йил билан самимий табриклайман. 2014 йил аввалги йиллардан ҳам кўра омадли келсин. Мен ўзбекистонлик футбол ишқибозларининг ўз севимлилари учун, терма жамоаси учун нақадар жон куйдирганларининг гувоҳи бўлдим. Умид қиламанки, олдиндаги йилда мухлислар ғалабалар билан хурсанд бўлишсин. Янги йилингиз билан!
Рўзиқул Бердиев, “Йилнинг энг яхши мураббий”, “Насаф”:
- Барча футбол ишқибозларини янги йил билан самимий табриклайман. Янги йил муваффақиятли йил келсин. Бу йилда бизнинг олдимизда ҳам жуда масъулиятли ўйинлар турибди. Биз ўз мухлисларимизни хурсанд қилиш учун бор кучимиз билан ҳаракат қиламиз. Янги йил барчамизнинг хонадонимизга бахт ва қувонч келтирсин. Футбол билан ҳамиша ошно бўлинг. Sports.uz сайти ижодий жамоасига ҳам янги йилда улкан зафарлар тилайман.
Ноил Лутфуллин, ЎФФ ҳакамлар ва назоратчилар депортаменти бошлиғи:
- Якунланган 2013 йил Ўзбекистон футбол ҳакамлари учун ҳам анча муваффақиятли йил келди. ОФКнинг элит ҳакамлари рўйхатига кирганлар сони ортди. Йирик халқаро ўйинлар бизнинг ҳакамларга ишониб топширилди. 2014 йилда ҳам Жаҳон чемпионати ва бошқа халқаро мусобақалар турибди. Бунда ўзбекистонлик ҳакамларнинг муваффақиятли иштирокига умид қиламиз. ЎФФ ҳакамлари номидан барча футбол ишқибозларини, мутахассисларни янги йил билан самимий табриклайман. Терма жамоаларимиз ва клубларимиз мухлисларни хурсанд қилишсин. Оилаларингизга тинчлик-тотувлик тилайман.
