Бугун Қатар юлдузлар лигасининг иккинчи давра 14-тур учрашувларига старт берилди. “Насаф”нинг ОЧЛ-2014 плей офф учрашувидаги рақиби “Ал-Жайиш” жамоаси ўз майдонида “Ал-Арабий” жамоасини қабул қилди. Учрашувда 1:2 ҳисобида "Ал-Жайиш" мағлубиятга учради.

Учрашувнинг 36-дақиқасида ўйиндаги ҳисоб меҳмонлар томонидан очилди, голга “Ал-Арабий” жамоаси вакили Вандерлей муаллифлик қилди. Ушбу ҳисоб узоқ сақланиб қолмади. Орадан 5 дақиқа ўтиб, “Ал-Жайиш” жамоасининг бразилиялик легионери Вагнер Рибейро томонидан ҳисоб тенглаштирилди. Учрашув биринчи бўлими ана шу ҳисобда якунига етди.

Учрашувнинг сўнгги 90-дақиқасида “Ал-Арабий” жамоаси вакили Вандерлей дублга эришди, у “Ал-Жайиш” ва Қатар миллий терма жамоаси дарвозабони Сауд Ал-Хотир қўриқлаётган дарвозага ўзининг учрашувдаги иккинчи голини киритиб, жамоасини ҳисобда олдинга олиб чиқди ва ғалабасини таъминлади.

Шундай қилиб, “Ал-Жайиш” жамоаси ҚЮЛнинг 14-турида ҳам мағлубиятга учради. Турнир жадвалини бошқариб бораётган “Ас-Садд” жамоаси сафарда “Ар-Райян” жамоаси билан дуранг натижа, 2:2 ҳисобини қайд этди.

10.01.2014. ҚЮЛ, 14-тур.
“Ал-Жайиш” – “Ал-Арабий” 1:2 (1:1)
Голлар: Вандерлей, 32-0:1, 90-1:2;  Вагнер Рибейро, 37-1:1;
“Ал-Жайиш”: Сауд Ал-Хотир, Муҳаммад Матнани (Тунис), Рами Фаёз (Иордания),  Андерсон Мартинс (Бразилия), Калу Уче (Нигерия),  Мурод Нажий,  Мажид Муҳаммад, Жирес Кембо (Франция), Сеул Ки Го (Жанубий Корея), Муҳаммад Жедо,  Вагнер Рибейро (Бразилия).
Захирадан майдонга тушганлар: Юсуф Муфтаҳ (Мурод Нажий ўрнига), Муҳаммад Жедо (Мажид Муҳаммад ўрнига), Ал Санад (Жирес Кембо ўрнига).