Уммонда ўтаётган ёшлар ўртасидаги Осиё чемпионатида "В" гуруҳи ўйинлари якунига етди ва чорак финалга чиққан икки жамоанинг номи маълум бўлди.
Сурия терма жамоаси Яман устидан ғалаба қозонди ва гуруҳда 1-ўринни қўлга киритди. Иккинчи йўлланма тақдири эса КХДР ва БАА ўртасидаги ўйинда ҳал бўлди. Шимолий кореяликлар бутун ўйин давомида катта ташаббусга эга бўлди ва жуда кўплаб голли вазиятларни яратди. Фақат дарвоза тўғри зарба йўллаш уларга насиб қилмади. Дарвоза тўсини ва устунлари ҳам БААликлар томонида бўлди. Натижада 5 очко тўплаган БАА гуруҳда 2-ўринни эгаллаган бўлса, КХДР 4 очко билан 3-ўринни эгаллади. Яман эса очко тўплай олмади.
Ёшлар (U22) ўртасидаги Осиё чемпионати
КХДР - БАА - 0:0
СУРИЯ - ЯМАН - 1:0
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Сурия | 3 | 2 | 1 | 0 | 3-1 | 7 |
| 2 | БАА | 3 | 1 | 2 | 0 | 2-1 | 5 |
| 3 | КХДР | 3 | 1 | 1 | 1 | 3-2 | 4 |
| 4 | Яман | 3 | 0 | 0 | 3 | 1-5 | 0 |
