«Барселона» ярим ҳимоячиси Хави кеча бўлиб ўтган «Хетафе»га қарши ўйиндан кейин ўз фикрлари билан ўртоқлашди.
«Кимнинг майдонга чиқиши муҳим эмас. Бу билан жамоа қулаб қолмайди. Асосийси, жамоанинг ғалабаси. Биз яхши ўйнадик.
Месси Аргентинадан яхши кайфият билан қайтди. У иккита гол урди ва аста-секин ўзининг оптимал спорт формасига қайтмоқда.
Бу мен учун жуда муҳим ўйин бўлди (Хави 700-марта жамоа таркибида майдонга тушди). Умид қиламанки, ҳамон «Барселона»га керакман.
Шуни ҳам таъкидлашим керакки, биз ҳужумкор ўйиндан бошқа услубларни ҳам биламиз»,- дейди Хави.