"МЮ" ҳимоячиси Неманья Видич "Челси" билан ўйинда мағлубиятга учралгач, "қизил иблислар" АПЛдаги чемпионлик учун курашдан чиққанларини айтиб ўтди.
"Етакчилардан анча ортда қолиб кетдик ва энди бор эътиборни учинчи-тўртинчи ўринлар учун курашга қаратимиз керак. Ижобий кайфиятни сақлаб қолиш керак, ахир бугун ёмон ўйнамадик. Уларнинг учтаси зарбаси учта гол бўлди, шу холос.
Осон бўлмайди, лекин ЕЧЛ йўлланмаси учун ҳам курашиш керак. Барчамиз бирлашишимиз ва қаттиқ ишлашимиз керак. Умид қиламанки, омад бизга кулиб боқади ва бу вазифани уддалай оламиз.
Мойес айбдорми? Ҳар доим эътиборни шунга қаратавериш керак эмас. Ўйинчилар буни муҳокама қилишдан чарчадилар, чунки мураббий қўлидан келганча ҳаракат қилмоқда. Бугун тактик жиҳатдан яхши ўйин кўрсатдик", - деди серб.