«Реал» ҳужумчиси Алваро Мората жамоани тарк этмоқчи эмаслигини таъкидлади.
«Мен Карло Анчелотти билан гаплашдим ва барчасини ҳал қилдик. Келажагим ҳақида гаплашганимиздан кейин бу ерда эканимдан яна бир бор хурсанд бўлдим.
Жамоага керак эканимни ҳис қила бошладим. Шунинг учун «Реал»да мавсум охирига қадар қолмоқчиман. Мен дунёнинг энг зўр жамоасида ўйнаяпман ва ўйнашда давом этишим керак.
Ёзда нима бўлиши ҳақида бир нарса дея олмайман»,- дейди Мората. Хабарингиз бор, Моратага 9та клуб қизиқиш билдирмоқда.