«Вест Бромвич» ҳужумчиси Николя Анелка «Вест Ҳэм»га қарши ўйиндаги ҳаракати учун дисквалификация қилиниши мумкин. Гап шуундаки, ўша ўйин вақтида Анелка гол урганидан кейин ўзига хос ҳаракатни амалга оширган. Бу ҳаракат Англия футбол иттифоқи томонидан расистик деб топилди ва бу масала кўриб чиқилмоқда. Бу борада Францияда ҳам иш олиб борилмоқда.
Футболчининг ўзи эса ижтимоий тармоқдаги саҳифасида бу ҳолатга қуйидагича изоҳ берди:
«Мен ҳеч қандай мақсадни кўзлаганим йўқ. Мен расист ҳам антисемит ҳам эмасман. Англия футбол федерацияси бу ҳолат бўйича текшрирувни бўлди қилиши керак. Мен яҳудийлар қўмитаси президенти Роже Цукерман билан гаплашдим ва у ҳам менинг фикримни тасдиқлади»,- деб ёзади Анелка.
Таъкидлаш ўринли, футболчи 5-10та ўйинга дисквалификация қилиниши мумкин.
