"Реал" ҳужумчиси Криштиану Роналду Испания чемпионатининг "Гранада"га қарши ўйинидан қониқиш ҳосил қилган. Бу ҳақда клуб расмий сайтига берган интервьюсида шундай дейди:
"Бугун мен учун алоҳида аҳамиятли кун бўлди. Мухлисларим мени "Олтин тўп" билан жуда зўр қарши олишди, жамоамиз ғалаба қозонди ва энди биз чемпионат етакчиларимиз. Кўрамиз, рақибларимиз қандай натижа кўрсатишаркин.
Жамоа ажойиб формада, яхши футбол кўрсатяпмиз, ўзимда ҳам ҳаммаси жойида. Шу формамни мавсум охиригача сақлаб қолишни истайман", - деди Роналду.