Хабарингиз бор, кеча "Бунёдкор" Москванинг "Динамо" клуби билан ўртоқлик учрашуви ўтказиб, 0:0 ҳисобидаги дурангга имзо чекди. Ушбу ўйин ҳақида москваликлар ҳимоячиси Леандро Фернандес клубнинг "ВКонтакте"даги расмий саҳифаси орқали ўз фикрларини билдирган.
"Ажойиб ўйин, пухта рақиб. Қаттиқ ишлашимизга тўғри келди. Йиғинларда энг кераги ҳам шу.
"Бунёдкор" аввалроқ ўйнаганимиз "Брондбю"дан яққол кучли, шу сабабдан ҳам биз вазиятларни кўплаб ярата олмадик. Ўзбек жамоаси яхши комбинациялар уюштирди. Жамоанинг машғулотларга киришганига анча бўлгани кўриниб турибди", - дейди Фернандес.