«Барселона» ҳимоячиси Дани Алвес Испания чемпионатидаги рақобат ҳақида фикр билдирди.
«Бу мавсумда ким чемпион бўлса ҳам, ғалаба жуда тотли бўлади. Қийинчилик билан чемпион бўлиш бошқачада. Айни вақтда ғолиблик учун учта жамоа курашмоқда. Менимча, ҳаммаси охирги турларда аниқ бўлади.
Мавсум қизиб бормоқда. Жароҳат олган футболчиларимиз сафга қайтишди. Бу жуда ёқимли. Чемпион бўлиш учун энг яхши ўйинимизни кўрсатишимиз керак.
Росселнинг кетиши ҳақида гапирадиган бўлсам, аввалгидай ҳаракат қилишда давом этишимиз керак. Менимча, клуб Неймарнинг трансфер деталларини яшириб вазиятни чалкаштириб юборди»,- дейди Алвес.
