«Арсенал»нинг собиқ футболчиси Тьери Анри жамоанинг айни вақтдаги ўйини ҳақида фикр билдирди.
«Барча «Арсенал»нинг қоқилишини кутмоқда. Мавсум бошидан бери шундай, лекин ҳозирча жамоа яхши давом этмоқда. «Челси» ва «Манчестер Сити» каби жамоалар билан ўйинда мағлубиятдан қутилиш қийин. «Арсенал» буни уддалади.
Ўзилнинг трансфери жуда яхши бўлди. У тўп билан жуда яхши ҳаракат қилади. Ундан ҳар доим голли узатмани кутиш мумкин. Жамоадан бундай футболчининг бўлиши жуда ажойиб.
«Арсенал»га қандай футболчи керак эканини Арсен Венгер яхшироқ билади. Клуб анчадан буён соврин қўлга киритмагани учун уни танқид қилишмоқда. Менимча, ҳозирда «Арсенал»нинг таркиби жуда яхши ва кимнидир сотиб олиш шарт эмас»,- дейди Анри.