24 январь куни "Андижон" Тошкентда тайёргарликни бошлагани тўғрисида хабар қилиб ўтгандик. Пойтахтдаги йиғинда андижонликлар таркибига бир қатор янги ўйинчилар кўрикдан ўтгани таклиф этилмоқда. Жумладан, молдовалик футболчи Алексей Касьян жамоа сафига келиб қўшилди.
“Андижон” учун бу легионер бегона эмас. Боиси Касьян 2011 йилги мавсумда ҳам "лочинлар" шарафини ҳимоя қилганини мухлислар яхши билишади. Ўшанда у жамоанинг асосий ўйинчиларидан бири бўлганди.
Касьян “Андижон”дан кетганидан бери ўз юртида фаолият кўрсатаётганди ва унинг сўнгги жамоаси “ДинамоАвто” эди. Молдавиялик футболчи айни пайтда машғулотларда иштирок этмоқда.
