Мюнхеннинг "Бавария" клуби сардори Филипп Ламнинг фикрича, жамоанинг ушбу муваффақиятларида собиқ бош мураббий Луи ван Галнинг хизматлари беқиёс бўлган. Жумладан, унинг мюнхенликлар ўйинига сингдирган муайян ғоялари ҳамон уларга қўл келмоқда.
"Ван Гал "Бавария"да ҳал қилувчи ролни ўйнаган инсондир. Унинг фаолияти бурилиш нуқтаси бўлган. У ўйинимизга аниқ ғоялар олиб кирганди, мисол учун, икки икки қанотдаги яримҳимоячилар билан бирга ҳаракат қилувчи яна икки яримҳимоячидан ҳимоя мақсадида фойдаланишни. Ван Гал қўллаган тактика катта рол ўйнаган", - дейди тажрибали Лам.
