Тошкентнинг “Бунёдкор” жамоаси Дубай йиғини доирасидаги машғулотлари якунланди.

Хабарингиз бор, "бунёдкорчилар" 18 январдан бошлаб Дубай шаҳрида машғулотларга киришган эди. Амирликларда жамоа учун “Жебел Али” меҳмонхонаси қароргоҳ вазифасини ўтади.

БААдаги йиғин доирасида Россия Премьер-лигасининг уч жамоаси билан назорат учрашувлари ўтказилди. Жамоанинг янги аъзоси Вохид Шодиев томонидан киритилган гол эвазига “Ростов” билан 1:1 ҳисобида дуранг қайд этилди, Москванинг “Динамо”си билан кечган баҳсда ҳисоб очилмади – 0:0, кеча эса “Спартак”га бир тўп фарқи билан имконият бой берилди – 1:2. “Бунёдкор”нинг ягона голига Баҳодир Пардаев муаллифлик қилди.

“Бунёдкор” ФК делегацияси 1 февраль куни куннинг иккинчи ярмида Тошкентга қайтиб келишади.