"Арсенал" Россиянинг "Спартак" клубидан ижарага олган Ким Чельстрем Лондон клубига ўтиши тафсилотларига тўхталди.
"Шундай бўлганидан жуда хурсанман. "Арсенал" - ғаройиб клуб. Бу ерда зўр футболчилар ва узоқ вақтдан буён муваффақият билан ишлаб келаётган мураббийлар кўп.
"Арсенал"га ўзимни энг яхши томондан кўрсатиш ва жамоага ёрдам бериш учун келдим.
Кеча "Спартак" билан Абу-Дабида эдим. Телефон қилиб, сўрашди: "Бир неча ой "Арсенал"да ижарага ўйнашга нима дейсан?". Шунда ўйладим: "Нима учун йўқ дейишим керак?" Сўнг тезда меҳмонхонага йўналдим, нарсаларимни йиғиштирдим-да, оёғимни қўлимга олиб аеропортга келдим. Лондонга учдим.
Мана энди яхшилаб жойлашиб, олдимиздаги ўйинларга тайёрланаман", - деди футболчи.