«Сток Сити» ярим ҳимоячиси Чарли Адам кеча бўлиб ўтган «МЮ»га қарши ўйин ҳақида фикр билдирди. Хабарингиз бор, кечаги ўйинда футболчи иккита гол урган ва жамоасининг ғалабасини таъминлаган эди.
«Бу ғалаба биз учун жуда катта натижа ҳисобланади. Унинг «МЮ» устидан қўлга киритилгани икки ҳисса ёқимли бўлди. Умуман олганда биз ўз уйимизда ҳар қандай рақибни мағлуб эта оламиз. Меҳмондаги ўйинларда ҳам шундай ҳаракат қилишимиз керак.
Биринчи голда тан оламан, менга омад кулиб боқди, лекин иккинчи голда зарбам ажойиб чиқди. Мавсум охирига қадар яна гол уришга умид қиламан»,- дейди футболчи.
