"Реал"нинг бир қатор аъзолари жамоадошлари Криштиану Роналдунинг кечаги учрашувда майдондан четлатилгани борасида фикр билдиришди.

Карло Анчелотти (бош мураббий): "Четлатиш ҳақида гапириш қийин. Видеотасвирлар ўша вазият бирмунча бўрттириб юборилганини кўрсатмоқда".

Хаби Алонсо (яримҳимоячи): "Биз "Барселона"дан ўзиб кетиш имкониятидан фойдаланиб қолишни истагандик, аммо ўтган 90 дақиқага қараб айтиш мумкинки, натижа ҳаққоний...

Қизил карточками? Албатта, Криштиану томонидан қўполлик бўлмаганди. Гурпеги кўмаклашди, бундан ташқари ҳакам мухлисларнинг реакциясини эътиборга олди. Томошабинлар ҳар доим "Сан Мамес"даги ўйинларнинг боришича таъсир ўтказадилар.

Четлатиш бизга катта зарба бўлди".

Марсело (ҳимоячи): "Атлетик"ка қарши меҳмонда ҳатто дуранг ўйнаш ҳам мушкул вазифа, аммо "Реал" ҳар бир ўйинда ютиши шарт. Очко йўқотишга ҳаққимиз йўқ!

Криштиану Роналдунинг четлатилиши эса ноҳақлик бўлди, вассалом!"

"Реал" юлдузининг майдондан четлатилган вазиятни бу ерда томоша қилишинингиз мумкин.