"МЮ"дан ижара ҳуқуқи асосида "Фиорентина"га ўтган яримҳимоячи Андерсон Англия чемпионларини футболчиларнинг оммавий тарк этиши кутиб турганини айтмоқда. Унинг сўзларидан хулоса қилсак, охирги вақтларда ОАВда Патрис Эвра, Неманья Видич, Нани, Эшли Янг ва бошқаларнинг жамоадан кетиши мумкинлиги ҳақида ёзилаётгани ҳам бежиз эмас.
"МЮ"нинг кўплаб ўйинчилари жамоани тарк этмоқчи. Айниқса жамоада мен ва Нани каби 7-8 йилдан буён ўйнаётган футболчилар. "МЮ" - ўйинчилар учун барчасини муҳайё қиладиган катта клуб, аммо футболчи аҳли баъзан шунчаки кучини бошқа ерда синаб кўриш учун ҳам кетишни истайди. "МЮ" учун ўйнаш ажойиб, аммо мен ҳозир "Фиорентина" асосий таркиби учун курашмоқчиман. Жамоадаги барча дўстларимга раҳмат. Ёлғиз истагим - Италияда қолиш.