«Барселона» «Севилья» сардори Иван Ракитичга қизиқиш билдирмоқда. Бу ҳақда испан матбуоти хабар беради.
Манбада айтилишича, «Барселона» Хорватия терма жамоасининг 25 ёшли ярим ҳимоячисини Хавининг издоши деб қарамоқда. Аввалроқ «Севилья»нинг футболчи билан шартномани узайтирмоқчи экани ва унинг маошини ҳам оширишга тайёрлиги хабар қилинган эди.
Жорий мавсумда Ракитич Испания чемпионати доирасидаги 20 учрашувда майдонга тушган ҳолда 10та голга ва 8та голли узатмага муаллифлик қилган.