Италиянинг Виарежжо шахарчасида бўлиб ўтаётган “Коппа Карневале” турнирда иштирок этаётган ёш “Пахтакор”чилар гуруҳ босқичи доирасидан ўрин олган биринчи учрашувда майдонга тушдилар. Италиянинг номдор клубларидан хисобланган “Парма” ёшларига қарши уйин рақиб футболчиларининг 3:1 ҳисобидаги ғалабаси билан якунланди.

Учрашувда ҳисоб “Парма” футболчилари томонидан очилди. Биринчи бўлим якунига келиб, Иззатилла Абдуллаев вазиятни тенглаштирди. Иккинчи бўлимда ҳакам даровозамиз томон пенальти белгилади, рақиб футболчиси зарбасини дарвозабонимиз қайтарди, лекин Серри қайтган тўпга биринчи етиб борди ва жамоасини олдинга олиб чиқди.

Ўйин сўнгида Силиппонинг аниқ зарбаси ҳисобни 3:1 бўлишини таминлади. Таъкидлаш лозим, ўйин давомида бизнинг футболчиларда рақиб дарвозасини ишғол қилиш учун куплаб имкониятлар содир бўлди, аммо сўнги паллада футболчиларимизга аниқлик етишмади. Якуний ҳисоб 3:1.

"Пахтакор" навбатдаги учрашувни 6 февраль куни биринчи турда Италиянинг Специя клуби устидан 2:0 ҳисобида ғалаба қозонган Бразилиянинг “Деспортиво” клубига қарши ўтказади.

"Парма" - "Пахтакор" 3:1
Голлар: Диас 21, Серри 63, Силипо 80 – И.Абдуллаев 43
"Пахтакор": Ботир Эргашев,Иззатилла Абдуллаев (Жавохир Сидиқов 46), Темур Толипов, Абдурасул Комилов, Муҳсин Убайдуллаев, Жамшид Болтабоев, Жавохир Сохибов, Иброҳим Абдуллаев, Жасур Хакимов, Аббос Махсталиев, Диан Талгатов.
Захира: Раимов, Хурсанов, Отахонов, Каримов, Сидоров, Давлатжонов, Хакимов.