"Бавария" яримҳимоячиси Тони Кроос "МЮ"га ўтиши мумкинлиги ҳақидаги миш-мишларни рад этиб, шундай деди:
"Келажагим ҳақида жуда кўп ёзишяпти, айниқса охирги кунларда. Аммо газеталар ёзаётган ҳамма гапларга ҳам ишонавериш ярамайди. Ҳақиқат шуки, мен "Бавария" ўйинчиси эканимдан бахтиёрман ва менинг жамоадаги ҳолатим жуда яхши. Қолаверса, биз менинг янги шартномам борасида фақат ҳозирча келиша олганимиз йўқ. Амалдаги шартномам 2015 йилга қадар мўлжалланган ва бу борада ҳеч қандай муаммо кўрмаяпман. Кейин нима бўлишини вақт кўрсатади", - дейди Кроос.