"Барселона" ҳужумчиси Неймар умумий гуруҳ машғулотларига қўшилди. Бу ҳақда Barcastuff твиттери хабар бермоқда. Бразилиялик футболчи машғулотларнинг бир қисмини жамоадошлари билан бирга олиб борган.
Ҳимоячи Карлес Пуйоль эса ҳамон индивидуал дастур асосида шуғулланмоқда.
Эслатиб ўтамиз, аввалроқ Неймарнинг Испания кубоги доирасидаги "Реал Сосьедад"га қарши 12 февралда бўлиб ўтадиган учрашувгача тўлиқ соғайишга улгуриши ҳақида хабар берилганди.













