«Ҳамбург» сардори Рафаэль ван дер Ваарт Германия чемпионати доирасидаги «Ҳерта» га қарши ўйиндан кейин (0:3) футболчилар стадиондан чиқишда қийналганликларини таъкидлади.
Мағлубиятга чидай олмаган мухлислар футболчиларга қарата портловчи воситалар улоқтиришган.
«Футболчиларга ҳужум қилиб вазиятдан чиқиб кетиб бўлмайди. Шанба кунги ўйиндан кейин футболчилар қўрқишди. Айниқса бу ёш футболчилар учун кутилмаган бўлди.
Тан оламан, мен ҳам бошқа жамоадошлар ҳам ёмон ўйнадик, лекин биз буни атайин қилганимиз йўқ. Биз майдондаги ҳолатни яхшилашимиз керак. Бу муаммони жанжал билан ҳал қилиб бўлмайди»,- дейди футболчи.
