Жавоб учрашувида ҳам ҳамшаҳарларига ҳеч қандай имконият қолдирмаган "Реал Мадрид" Испания кубоги финали йўлланмасини қўлга киритди.

Биринчи ўйинда 0:3 ҳисобида ютқазганига қарамай, "Атлетико"да қандайдир назарий имкониятлар бор эди. Аммо ўйиннинг бошидаёқ — 7 ва 16-дақиқаларда Роналдунинг пенальтидан киритган иккита гол финал масаласини узил-кесил ҳал қилиб қўйди. Тўғри, мезбонлар ўз мухлислари учун ўйнашга интилишди. Бир вазиятда тўп Касильяс қўриқлаётган дарвоза устунига тегиб қайтди. Бироқ бу кеча Симеоне шогирдларига гол уриш насиб қилмади.

Эртага бўладиган "Реал Сосьедад" ва "Барселона" ўртасидаги баҳсдан кейин иккинчи финалчи номини билиб оламиз. "Камп Ноу"даги ўйин 2:0 ҳисоби билан якунланганди.

Испания кубоги, ярим финал, жавоб ўйини
Атлетико – Реал Мадрид 0:2 (0:2)
Голлар: 0:1 – 7, пенальти Роналду, 0:2 – 16, пенальти Роналду.
Атлетико – Арансубия, Манкильо (Хуанфран, 46), Миранда, Алдервейрелд, Инсуа, К. Родригес, Коке, Соса, Р. Гарсия (Габи, 61), Диего (Адриан, 46), М. Суарес.
Реал Мадрид – Касильяс, Рамос (Начо, 46), Карвахаль, Варан, Арбелоа, Ильярраменди, Алонсо, Бэйл, Иско, Модрич (Каземиро, 67), Роналду (Хесе, 75).
Огоҳлантиришлар: Ильярраменди (36), Арбелоа (43), Роналду (44), Миранда (80).
Биринчи ўйин: 0:3