«Барселона» ҳимоячиси Ҳерард Пике чемионлар лигаси 1/8 финалининг «Манчестер Сити»га қарши ўйини олдидан Неймар ҳақида фикр билдирди.
«У ҳали ёш ва ўйинга, голларга ташна. Неймар бутун дунёга нималарга қодир эканини кўрсатади. У дунёдаги энг яхши футболчилардан бири.
Неймарнинг жамоага келиши бизнинг ўйинимизни кучайтирди. Кўпчилик рақибларимиз Мессини тўхтатиш ҳақида ўйлашади, лекин бизда Неймар, Педро ва Алексис каби ҳужумчилар ҳам бор. Улар ҳар қандай жамоага муаммо туғдириши мумкин. Биз ҳар хил ўйин услубида ўйнай оламиз»,- дейди Пике.