"Арсенал" бош мураббийи Арсен Венгер Англия кубоги доирасида "Ливерпуль"га қарши ўйин олдидан ўз фикрлари билан ўртоқлашди.

"Кейинги босқичга чиқиш учун яхши имкониятга эгамиз. Асосий таркиб ўйинчиларидан кимларга дам беришимни ҳозирча аниқлаб олганим йўқ. Шубҳасиз, биз фақат ғалаба учун ўйнаймиз.

Жамоамизда ротация яхши ишламоқда ва мен уларни ҳар бир ўйинга ишонч билан бошлаб тушмоқдаман. Захира ўриндиғимиз кенг эмас, аммо савияси тушаётган ўйинчиларимиз йўқ. Масалан, Женкинсонга юқори баҳо бераман, аммо Саньянинг тажрибаси кўпроқ ва шу сабаб, юқори босим остида ўйнашга тўғри келганда унга ишоанман.

Фламинининг қайтгани яхши бўлди. Ҳозирча Рэмси ва Касорласиз бизга яримҳимоячилар етишмаяпти", - дейди Венгер.