Олимпиада ўйинларининг энг қизиган вақтида мусобақанинг медаллари, тимсоллари ва машъаласи ҳақида маълумот берамиз.

Олимпида медаллари
Олимпиада медалларига безак беришда рус халқининг анъаналари ҳамда нақшларидан фойдаланилган. 1300 та медални ясаш учун 3 кг тилла, 2000 кг кумуш, 700 кг бронза кетган. Медалдаги нақшнинг ўрта қисми поликарбонатдан ясалган.

Медал лентасини ушлаб турувчи метал ўзакча шу қадар чидамли қилиб тайёрланганки, ҳатоки 100 кг оғирликни ҳам кўтара олади. Ҳа, айнан шундай. Олимпиада ўйинлари тарихида Сочидаги мусобақада рекорд даражадаги медаллар чиқарилди. Уларнинг сони ҳаммаси бўлиб 1254 тани ташкил этади.

Олимпиада тимсоли
Сочидаги Қишки Олимпиада ўйинларининг тимсоли сифатида оқ Айиқча, Леопард ва Қуёнча танланган.

Олимпиада машъаласи
Олимпиада ўйинларининг бошланганидан дарак берувчи маёқ, қуш пати шаклида тайёрланган. Ушбу маёқнинг асоси алюминдан тайёрланган ва чидамли полимер билан қопланган. Умумий ҳисобда 14 мингта шундай маёқ тайёрланган. Унинг бўйи 95 см, эни 15.5 см, оғирлиги эса 1.8 кг.