"Реал" Испания чемпионатининг 24-турида "Хетафе"ни 3:0 ҳисобида мағлубиятга учратди ва мавсумдаги голлари сонини 101тага етказиб қўйди. Бунинг учун Мадрид клубига 38 ўйин кифоя қилди.
Шу тариқа, "галактикос" бош мураббийи Карло Анчелотти 100та голни 38 ўйинда ўз ҳисобига ёзиб, ўзидан аввалроқ ишлаган Жозе Моуриньо (42 ўйин) ва Мануэль Пеллегринини (40) ортда қолдирди. Бу борадаги рекорд эса "Реал"ни 1959 йилги мавсумда бошқарган ҳамда ўз жамоаси билан 32 ўйинда рақиблар дарвозасини 100 марта ишғол этган Мигел Муньосга тегишли.
Анчелотти жамоасининг 101 голидан 68таси Ла-лигага, 20таси ЕЧЛга ва 13таси Испания кубогига тўғри келади.