Пойтахтимиздаги «Бунёдкор» стадионида клуб янги мавсум олдидан харид қилган футболчиларни таништирди. Шу муносабат билан ОАВ ходимлари учун матбуот анжумани ўтказилди. Унда бош мураббий Миржалол Қосимов, клуб вице-президенти Ҳусниддин Ҳасанов, биринчи вице-президент Бахтиёр Бобоев ва футболчилар қатнашишди.
Эслатиб ўтамиз, янги мавсум олдидан жамоага Павел Бугало, Шукур Пўлатов, Сергей Симоненко, Рустам Аъзамов, Бобиржон Акбаров, Мансур Саидов, Карлос Кото Пахес ва Вохид Шодиевларни ўз сафига қўшиб олди.
Павел Бугалога биринчи, Шукурали Пўлатов учинчи, Сергей Симоненко қирқинчи, Рустам Аъзамовга ўн учинчи, Бобиржон Акбаровга ўн саккизинчи, Мансур Саидовга тўққизинчи, Воҳид Шодиевга ўн тўртинчи, Карлос Котога ўн олтинчи рақамли формалар топширилди, лекин Котонинг ўзи бугун кечаси Тошкентга етиб келади.
