Матбуот анжуманида сўзга чиққан биринчи вице-президент Бахтиёр Бобоев олдиндаги режалар ҳақида фикр билдирди.
«Аввало барчангизни кириб келаётган футбол мавсуми билан табриклайман. Биз бугун сизларга янги футболчиларни таништиришдан хурсандмиз. Кўрганингиздай асосий эътиборни ёшларга ва клуб тарбияланувчиларига қаратамиз. Бу футболчиларнинг барчасини маслаҳат қилиб сотиб олганмиз. Иккита легинерни сотиб олдик. Ҳимоячи Симоненко Украина терма жамоасида иккита ўйинда ўйнаган, миллий чемпионатда 300да ортиқ ўйинда майдонга тушган. Карлос Кото ҳам бизга маъқул. У бугун Тошкентга етиб келади. У «Барселона» футболи вакили ва бизнинг таклифимиз унга маъқул келди»,- дейди Бобоев.
