"Барселона" яримҳимоячиси Неймар ўз автобиографиясини ўз ичига олган китоб ёзгани ҳақида хабар бергандик. Marca нашрининг ёзишича, бразилиялик футболчи унда 2006 йили "Сантос"дан "Реал"га ўтиши мумкин бўлгани тўғрисида ҳам маълумот берган.
"Мен пулга сотилмайман. Пул яшашга ёрдам беради, аммо ҳал қилувчи аҳамият касб этмайди", - дейди бразилиялик шу хусусда.
Бу борада Неймарнинг отаси ҳам ўз фикрини билдирган:
"Мадрид ўзининг барча пули билан ҳам ўғлимга бахт сотиб олиб бера олмасди".
Қайд этиш керак, "Менинг исмим Неймар" 26 февралдан сотувга чиқарилади.