Дортмунднинг "Боруссия" клуби яримҳимоячиси Генрих Мхитарян "Анжи"га ўтиши мумкин бўлгани ҳақида гапириб берди.
- Айтишларича, ёзда "Анжи" сенга ажойиб молиявий шартларга эга таклиф билан чиққан. Нега рад этгандинг?
-Ҳа, шундай бўлганди. Ўшанда "Анжи"да ажойиб ўйинчилар жамланганди: Это‘О ва бошқалар. Таклиф зўр бўлган. Агар орзуларим бўлмаганда, албатта рози бўлган бўлардим. Болаликдан энг кучли клублардан бирида ўйнашни орзу қилганман, шунинг учун ҳам айнан "Боруссия"ни танладим", - деди Мхитарян.
Эслатиб ўтамиз, эртага "Боруссия" Санкт-Петербург шаҳрида меҳмон бўлади. Жамоа ЕЧЛ нимчорак финали доирасида "Зенит"га қарши майдонга тушади. Учрашув Тошкент вақти билан соат 22:00га белгиланган.