"МЮ" ҳужумчиси Уэйн Руни Европа чемпионлар лигаси нимчорак финалининг "Олимпиакос"га қарши илк ўйини олдидан жамоа ўз олдига қўйган мақсадлар ҳақида сўз юритди.
- Менда ғалаба истаги доим бўлган. ЕЧЛдаги битта ғалаба етарли эмас, айниқса "МЮ" сафида ўйнаётган бўлсанг. Бу мусобақада ғалаба қозонган вақтингда қандай ажойиб ҳиссларни туясан, шундай экан яна ва яна ғалаба қозонгинг келаверади.
Финалга чиқиш биз учун жуда зўр натижа бўларди. Ўшанда яна бир соврин ютиш имконияти бўларди. Умид қиламан шундай бўлишига.
Ҳозирча ЕЧЛда яхши қатнашяпмиз. "Олимпиакос"га қарши баҳсда ҳам шу серия давом этишига умид қиламан. Бизда узоқроқ бориш учун тажриба етарли, - дея таъкидлади Руни.