"Шальке" ярим ҳимоячиси Кевин-Принс Боатенг допинг-тест топширишга қўлида бир шиша пиво ва оғзида сигаретани тутатган ҳолда ташриф буюриб, мухлисларни ҳайрон қолдирди.
Германия чемпиоантининг 25-туридан ўрин олган "Шальке" - "Байер" баҳсидан кейин ижтимоий тармоқларда футболчининг допинг-тест топшириш учун йўл олгани ҳақидаги суратлар пайдо бўлди. Суратларда футболчининг навбат кутаётган пайтда қўлида бир шиша пиво ва оғзида сигарета чекиб тургани тасвирланган. Шунингдек, у эгнидан "Шальке"нинг формасини ечмаган.
Клуб директори Хортс Хельдт ушбу воқевга изоҳ берар экан, хавотили нарса содир бўлмаганини таъкидлади.
"Кейин оғир ўйиндан кейин юзага келган босимни чиқариб ташлаш учун сигарета чеккан. Пиво масаласида эса, футболчига допинг-тест олдидан пиво ичишга рухсат берилади. Шу орқали анализ учун сийдик топшириш осон бўлади", дейди Хельдт.
