Бугун “Оқ-тепа”навбатдаги назорат учрашувини ўтказди. Мочинов шогирдларининг бугунги рақиби Қозоғистон чемпионатининг биринчи лигаси вакили “Жетису-Сункар” клуби бўлди.

Беллашув тенг курашлар остида кечган бўлса-да, меҳмонлар йирик ҳисобда ғалаба нашидасини сурди. Биринчи бўлимда ҳимоячиларнинг хатосидан унумли фойдаланган толдиқўрғонликлар ҳисобни очган бўлса, танаффусдан сўнг икки вазиятни голга айлантиришиб, ғалабани нақд қилишди. Бу “Оқ-тепа”нинг қишки тайёргарлик давридаги энг йирик мағлубиятлардан бирига айланди.

Назорат учрашуви
“ОҚ-ТЕПА” – “ЖЕТИСУ-СУНКАР” (Қозоғистон) – 0:3 (0:1)
26 февраль. Тошкент. “Оқ-тепа” стадиони.
“Оқ-тепа”: Илҳом Жуманов, Нодир Тешабоев, Саид Толипов, Дониёр Усмонов, Нодир Саъдуллаев, Фаррух Сайдалиев, Бобур Абдураҳмонов, Хуршид Йўлдошев Набижонович, Алишер Шоғуломов, Собир Усмонхўжаев, Маъруф Аҳмаджонов.
Захирадан тушганлар: Шоҳруҳ Эшбўтаев, Фаррух Зикрияев, Зафар Қорақулов, Никита Павленко, Сергей Рекун, Зокир Мирзааҳмедов, Хуршид Йўлдошев Хуррамович.