«Шальке» клуби ҳужумчиси Клас-Ян Хунтелар «Реал»дан (1:6) қабул қилиб олинган мағлубият ҳақида гапирди.

«Биз биринчи 15 дақиқаликда яхши ўйнадик. Бироқ биз йўл қўйган хатоларни такрорлар эканмиз, қониқарли натижалар ҳақида унутсак ҳам бўлади. Биз буни тушуниб турибмиз, бироқ келаси сафар бундай ўйнамаслигимиз жуда муҳим.

Бизда ўйин бошида имконият бўлди, Дракслер ҳисобни тенглаштириши мумкин эди. Бироқ, очиғини айтсам, ҳимояда ўйинимизни оқлашга ҳаққимиз йўқ. Менинг голим ҳам катта аҳамиятга эга бўлмади, ҳисоб бор-йўғи 1:6 бўлди.

Энди биз сафарда 6:0 ҳисобида ғалаба қозонишимиз керак. Бу осон бўлмайди. Умуман олганда бу - имконсиз», – дейди Хунтелар.