Саудия Арабистонининг "Ал-Фатҳ" клуби президенти Абдулазиз Афалақ "Бунёдкор"га қарши бўлиб ўтган ОЧЛ 1-тур баҳсидан (0:0) қониқиш ҳосил қилганини таъкидлаб ўтди.

"Ўйинимиз ёмон чиқмади. Ҳимояда ҳам яхши ўйнадик. ОЧЛдаги ўйинлар миллий чемпионат ўйинидан фарқ қилади. Ўзбекистон чемпиони билан ўйиндаги дуранг - фожиа эмас. Бу бизнинг чемпионлар лигасидаги илк ўйинимиз. Осиё минтақасида яхши ўйнай олишимиз мумкинлигини исботладик. Биз жипслашган ҳолда ўйнадик. Айниқса, дарвозабонимиз қаҳрамонлик кўрсатди. Биз ғалаба қозонишимиз мумкин эди, аммо омад биз томонда бўлмади. Футболчиларимизда гол уриш учун яхши имкониятларга эга бўлишганди, лекин улардан фойдалана олишмади. Дуранг натижада кейинги ўйинларда янада яхшироқ ўйнашга ундайди. Кейинги ўйинларда ижобий натижа қайд этиб, плей-оффга чиқишга ҳаракат қиламиз", дейди "Ал-Фатҳ" президенти.