Қозоғистоннинг "Актобе" жамоаси янги мавсумни соврин билан бошлайдиган бўлди. Улар мамлакат Суперкубоги учун "Шахтёр" билан баҳс олиб боришди. Хабарингиз бор, актобеликлар чемпионликни қўлга киритишган бўлса, "Шахтёр" Кубокка эга чиққан.

Ўйиннинг 67-дақиқасида "Актобе"нинг бразилияликлар Данило Нело ўйиндаги ягона голни қарши ҳужумдан сўнг қарағандаликлар дарвозасига йўллади.

Александр Гейнрих (ўйиннинг энг яхши футболчиларидан бири бўлди) учрашувни асосий таркибда бошлаб, 88-дақиқагача ўйнаган бўлса, Темур Кападзе тўлиқ  ҳаракат қилди. "Шахтёр" сафида эса Камолиддин Мурзоев иккинчи бўлим охирида захирадан тушган бўлса, Шавкат Саломов ўйин тугашига яқин майдонга туширилди.

"Актобе" ўз тарихида учинчи марта Қозоғистон Суперкубогини қўлга киритди.

Қозоғистон Суперкубоги
"Шахтёр" (Қарағанда) - "Актобе" (Актобе) - 0:1 (0:0)
Гол: Данило Неко, 67.
"Актобе": Сидельников, Мулдаров, Бадло, Мирошниченко, Хайруллин, Неко, Арзуманян, Коробкин, Логвиненко, Гейнрих, Кападзе.
"Шахтёр": Мокин, Симчевич, Малый, Василевич, Порываев, Конысбаев, Байжанов (Саломов 85), Фернандес, Финонченко, Муртазаев, Топчагич (Мурзоев 70).