Бугун "Ювентус" Италия А сериясининг навбатдаги тури доирасида жадвалда 4-ўринда бораётгани "Фиорентина" устидан ғалаба қозонди (1:0). Натижада "Бьянконери" яқин таъқибчиси "Рома"дан 14 очкога илгарилаб кетди.
"Биринчи бўлимда юқори савиядаги ўйин намойиш қилдик. Иккинчи бўлимда эса еврокубоклардаги ўйинларимиз туфайли чарчаб қолдик ва ортга чекиндик. "Фиорентина"да гол уриш учун битта имконият юзага келди, бошқа пайт эса уларнинг ҳужумларини яхши қайтариб турдик. "Наполи" ва "Рома" ўртасидаги ўйинни хотиржам томоша қиламиз. Биз ўз ишимизни бажариб бўлдик. Олдинда 11та тур ўйинлари бор, аммо биз 50 фоизга Италия чемпионимиз. Жамоа ажойиб тарзда ҳаракатланмоқда, аммо бизнинг таъқибчиларимиз ҳам бўш келишмаяпти", дейди "Ювентус" бош мураббийи Антонио Конте.
Келаётган пайшанба куни "Ювентус" ва "Фиорентина" жамоалари Европа лигасининг 1/8 финал босқичи доирасида ўзаро тўқнаш келадилар.