«Бавария» ярим ҳимоячиси Арьен Роббен мураббийлар — Хосеп Гвардиола ва Жозе Моуриньони таққослади. Голландиялик футболчи «Бавария» ва «Челси»даги фаолияти давомида ҳар иккала мураббий қўлостида ўйнашга муваффақ бўлган.
«Улар умуман турлича мутахассислар. Шунингдек, уларнинг ўхшашлик томони бор. Уларнинг фалсафаси ва услублари турлича, аммо иккаласи ҳам ғолиб мураббийлардир. Тактик жиҳатдан улар дунёнинг энг яхши мураббийлари ҳисобланишади. Улар кечаю кундуз фақат футбол ҳақида ўйлашади», – дейди Роббен.