"Милан"нинг собиқ футболчиси Жорж Веа ЕЧЛнинг нимчорак финали жавоб ўйинида "Атлетико"га 4:1 ҳисобида имкониятни бой бериб, мусобақадаги иштирокини якунлаган собиқ жамоасини танқид остига олди.

"Албатта, барча газеталар Зеедорф ҳақида ёзади, аммо ўйинчилар мўлжални ёмон олишса айб унда эмас. У тактика ёки таркиб танлашда хато қиляпти демаслик керак, гап ўйинчиларда! Уларнинг боши оёқларида, оёқлари эса бошларида бўлиб қолган. Бобан ҳозирги футболчиларни автомобил, аёллар ва пулдан бошқа нарсалар қизиқтирмай қўйганини айтганида ҳақ эди. Мен Африкада пул олмасдим, фақат майдонга тушиб футбол ўйнардим.

Мен тўп билан ухладим, тўп билан яшадим. Бизда ҳозирги ўйинчилардаги каби зеб-зийнатлар йўқ эди. Кескин фикрларим учун кечирасиз, аммо мен доим  "Милан"га содиқ қолганман. У ерда жуда узоқ вақт тўп суриб, шу жамоада "Олтин тўп"ни олганман. Айнан Миланда инсонлар таниган Жорж Веа бўлдим. Агар жамоамнинг ҳозирги ўйинчилари футболни қандай ўйнашни билишмаса, Play Station 4 ўйнашсин. "Милан" - менинг уйим ва оилам, уни доим ҳимоя қиламан