Футбол бўйича Ўзбекистон миллий чемпионатига куни кеча старт берилди. "Локомотив" биринчи учрашувни сафарда (Навбаҳор, 0:1) ўтказди. 24 март куни энди “темирйўлчилар” ўз майдонларида Қаршининг «Насаф» клубини қабул қилади.

Шу куни янги мавсумнинг 2-тур ўйини «Локомотив» стадионида ўтказилади. Ушбу учрашув олдидан «Локомотив» матбуот хизмати кўнгилли, кейинчалик футбол соҳасида фаолият юритишни режалаштирган ёшларни ушбу учрашувга таклиф қилади. Волонтёр этиб таклиф қилинган йигит, қиз учрашувга тайёргарлик пайтидан бошлаб стадион кириш назорати, матбуот хизматига кириш, матбуот маркази, стадион ҳудуди, табло бошқарувчилар, сухандон хоналарида олиб борилаётган иш жараёнини жонли равишда кузатиб боришлари мумкин. Минг марта эшитгандан бир марта кўрган афзал. Шу сабаб сиз бу имкониятни қўлдан чиқармайсиз ва миллионлар ўйинининг яна бир мухлисига айланасиз деган умиддамиз.

Ўзингиз ҳақингизда бизга lokomotiv-uzb@mail.ru электрон қутисига ёки Мамадалиев Маъмурга +998935454546 телефон рақами орқали хабар беринг. Биз ўз тажрибамиз, билимимизни сиз билан ўртоқлашишдан мамнунмиз.