«Барселона» ярим ҳимоячиси Андрес Иньеста Испания чемпионати 29-туридан ўрин олган «Реал»га қарши ўйин ҳақида фикр билдирди.

«Осасуна»ни 7:0 ҳисобида мағлуб этганимиз зўр бўлди. Биз «Вальядолид»га қарши ўйинда ўзимиздан ёмон таассурот қолдирган эдик ва бу ғалаба жуда муҳим эди.

Чемпион бўлишни хоҳласак, «Бернабео»да ғалаба қозонишимиз керак. «Реал» биринчи ўринда бормоқда ва уларниг таркибида жаҳон даражасидаги футболчилар йиғилган. Бундай ўйинларда жамоаларнинг қандай спорт формасида экани муҳим эмас, деб ўйлайман.

«Реал»ни мағлуб этиш ҳар доим қийин бўлган. Менимча, бу класико аввалги йиллардаги каби муросасиз бўлмайди. Ҳа, бу жанг бўлади, лекин футбол қоидаларидан четлашмаган ҳолда. Буни унутмаслик керак»,- дейди Иньеста.